Молитва Петру и Февронии Муромским 1-ая

Молитва святым благоверным князю Петру и княгине Февронии Муромским. Тропарь, глас восьмый. Яко благочестиваго корене причестная отрасль был Еси, добре во благочестии пожив, Блаженне Петре, тако и с супружницею твоею премудрою Феврониею в мире Богу угодивши и преподобных житию Сподобистеся, с ними же молитеся Господеви сохранити Без вреда отечество ваше, да вас непрестанно Почитаем. Кондак, глас восьмый. Мира сего княжение и славу временно помышляя, Сего ради благочестно в мире пожил еси, Петре, купно и с супружницею твоею премудрою Феврониею. Милостынею и молитвами Богу угодивши, Тем же и по смерти неразлучно во гробе лежаще, Исцеления невидимо подаваете. И ныне Христу молитеся сохранити град же и люди, Иже вас славящих. Молитва первая. О, велиции угодницы Божии и предивнии чудотворцы Благовернии княже Петре и княгине Февроние, Града Мурома предстатели и хранители и о всех нас Усерднии ко Господу молитвенницы. К вам прибегаем и вам молимся с упованием крепким Принесите за нас, грешных, святые молитвы ваша ко Господу Богу и испросите нам у благости Его вся Благопотребная душам и телесем нашим: Веру праву, надежду благу, любовь нелицемерну, Благочестие непоколебимое, в добрых делах Преуспеяние, мир умирение, земли плодоносие, Воздуха благорастворение, душам и телесем здравие и Вечное спасение. Исходатайствуйте у Царя Небесного верных рабов Его в Скорби и печали день и ночь вопиющих к Нему Многоболезный вопль да услышит и да изведет от Погибели живот наш. Испросите Церкви Святей и всей державе Российстей Мир, тишину и благоустроение и всем нам житие Благополучное и добрую христианскую кончину. Оградите отечество ваше, град Муром и вся грады Российские от всякого зла и вся правоверныя люди, К вам приходящия и мощем поклоняющиеся осените Благодатным действом благоприятных молитв ваших, И вся прошения их во благо исполните. Ей, чудотворцы святые, не презрите молитв наших, Со умилением вам возносимых, но будете о нас приснии Предстатели ко Господу и сподобите нас помощию вашею Святою спасение вечное получити и Царствие Небесное Унаследовати, да славословим неизреченное Человеколюбие Отца и Сына и Святаго Духа, В Троице поклоняемого Бога во веки веков. Аминь.