Молитва о покровительстве вступающим в брак святым Косме и Дамиану

Молитва о покровительстве вступающим в брак святым Бессребреникам и чудотворцам Косме и Дамиану. К вам, святые бессребреницы и чудотворцы Космо и Дамиане, яко к скорым помощникам и теплым Молитвенникам о спасении нашем мы, Недостойные, преклоньше колена, Прибегаем и, припадающе, усердно вопием: Не презрите моления нас, грешных, Немощных, во многая беззакония впадших и по вся дни И часы согрешающих, умолите Господа, Да пробавит нам, недостойным рабам Своим, Великия и богатыя Своя милости, Избавите нас от всякия скорби и болезни. Вы бо прияли есте от Господа и Спаса нашего Иисуса Христа неоскудную благодать исцелений ради Твердыя веры, безмездного врачевания и мученическия Кончины вашея. Услышите нас молящихся и благоприятным ходатайством Вашим испросите у Христа Бога православным людям на Враги победу и одоление. Паки припадающе, прилежно молим, Испросите нам от Господа вся благополезная, Яже в животе нашем временем, наипаче же ко спасению Вечному служащая, да сподобимся молитвами вашими Улучити кончину христианскую, безболезненну, Непостыдну, мирну и да избавимся от козней Диавольских и вечныя муки, бесконечнаго же и Блаженнаго Царствия Небеснаго наследницы будем. Ей, угодницы Божии, не престайте молящеся за ны, С верою к вам притекающия. Аще бо по множеству грехов наших и не есмы Достойны милосердия вашего, обаче вы, Вернии подражатели человеколюбия Божия суще, Сотворите, да принесем плоды достойны покаяния и в Вечный покой достигнем, хваляще и благословяще Дивнаго во святых Своих Господа и Бога и Спаса Нашего Иисуса Христа и Пречистую Матерь Его и ваше Теплое заступление всегда, ныне и присно и во веки Веков. Аминь.