Святая Троица: Вечерняя молитва и благодать

Ненавидящих и обидящих нас прости, Господи Человеколюбче. Благотворящим благосотвори, братьям и сродникам Нашим даруй яже ко спасению прошения и жизнь вечную В немощех сущая посети и исцеления даруй, Иже на мори управи, путешествующим спутешествуй, Православным христианам споборствуй, Служащим и милующим нас грехов оставление даруй, Заповедавших нам недостойным молитися о них помилуй По велицей Твоей милости. Помяни, Господи, прежде усопших отец и братий наших, И упокой их, идеже присещает свет лица Твоего. Помяни, Господи, братий наших плененных и избави я От всякаго обстояния. Помяни, Господи, плодоносящих и доброделующих во Святых Твоих церквах, и даждь им яже ко спасению Прошения и жизнь вечную. Помяни, Господи, и нас, смиренных и грешных, И недостойных раб Твоих, и просвети наш ум светом Разума Твоего, и настави нас на стезю заповедей Твоих молитвами Пречистыя Владычицы нашея Богородицы и Приснодевы Марии и всех Твоих святых, Яко благословен еси во веки веков. Аминь. Исповедаю Тебе, Господу Богу Моему и Творцу во Святей Троице Единому, Славимому и поклоняемому, Отцу и Сыну и Святому Духу, Вся мои грехи, яже содеях во вся дни живота Моего, и на всякий час, и в настоящее время И в прешедшие дни и нощи, Делом, словом, помышлением, объядением, Пиянством, тайноядением, празднословием, Унынием, леностию, прекословием, Непослушанием, оклеветанием, осуждением, Небрежением, самолюбием, многостяжанием, Хищением, неоправдоглаголанием, Скверноприбытчеством, мшелоимством, Ревнованием, завистию, Гневом, памятозлобием, ненавистию, Лихоимством и всеми моими чувствы: Зрением, слухом, обонянием, вкусом, Осязанием и прочими моими грехи.