Молитва 2-я, святого Антиоха, ко Господу нашему Иисусу Христу

Вседержителю, Слово Отче, Сам совершен сый, Иисусе Христе, но ради милосердия Твоего никогдаже Отлучайся мене, раба Твоего, но всегда во мне Почивай, Иисусе, добрый Пастырю Твоих овец. Не предаждь мене крамоле змииной и желанию сатанину Не остави мене, яко се мя тли во мне Есть. Убо, Господи Боже поклоняемый, Царю Святый, Иисусе Христе, спяща мя сохрани Немерцающим светом, Духом Твоим Святым, Имже освятил еси Твоя ученики. Даждь, Господи, и мне, недостойному рабу Твоему, Спасение Твое на ложе мое. Просвети ум мой светом разума Святого Евангелия Твоего, душу любовию Креста Твоего, Сердце чистотою словесе Твоего, Тело мое Твоею страстию безстрастною, Мысль мою Твоим смирением сохрани и воздвигни мя во Время подобно на Твое славословие, Яко препрославлен еси со Безначальным Твоим Отцем и С Пресвятым Духом во веки. Аминь.