Молитва 4-я, святого Макария Великого

Что Ти принесу или что Ти воздам, Великодаровитый безсмертный Царю, Щедрый и человеколюбче Господи, Яко ленящася мене на Твое ождение, И ничтоже благо сотворша, привел еси наконец, Мимошедшаго дне сего, ко обращению и спасению души Моея строя. Милостив ми буди грешному и обнаженному Всякаго дела блага, возстави падшую мою душу, Осквернившуюся в безмерных согрешении, И отъими от мене весь помысл лукавый видимаго сего Жития. Прости моя согрешения, Едине Безгрешне, Яже Ти согреших в сей день, ведением и неведением, Словом, или делом, или помышлением, И всеми мои чувствы, Ты Сам покрывая, Сохрани мя от всякаго сопрозивнаго обстояния Божественною Твоею властию неизреченным Человеколюбием и силою. Очисти, Боже, очисти множество грехов моих. Благоволи, Господи, избавити мя от сети лукаваго, И спаси страстную мою душу, и осени мя светом Лица Твоего, егда приидеши во славе, И неосужденна ныне сном уснути сотвори, И без мечтания несмущен помысл раба Твоего соблюди, И всю сатанину детель отжени от мене, И просвети ми разумныя очи сердечныя, Да не усну в смерть. И посли ми Ангела мирна, хранителя и наставника души И телу моему, да избавит мя от враг моих; Да восстав со одра моего, принесу Ти Благодарственныя мольбы. Ей, Господи, услыши мя, грешнаго раба Твоего, Изволением и совестию даруй ми, Восстав, словесем Твоим поучитися, И уныние бесовское далече от мене отгнано быти Сотвори Твоими Ангелы, да благословлю имя Твое Святое, и прославлю, и славлю Пречистую Богородицу Марию, Юже дал еси нам грешным заступление, И приими Сию молящуюся за ны: вем бо, Яко подражает Твое человеколюбие, И молящися не престает. Тоя заступлением и честнаго Креста знамением, И всех святых Твоих ради убогую душу мою соблюди, Иисусе Христе Боже наш, яко свят еси препрославлен Во веки. Аминь.