Исповедание грехов повседневное

Исповедую Тебе, Господу Богу моему и Творцу, Во Святей Троице Единому, славимому, Поклоняемому Отцу и Сыну и Святому Духу, Вся моя грехи, яже содеях во вся дни живота Моего, и на всякий час, и в настоящее время, И в прешедшия дни и нощи, делом, Словом, помышлением, объядением, Пиянством, тайноедением, празднословием, Унынием, леностию, прекословием, Непослушанием, оклеветанием, осуждением, Небрежением, самолюбием, многостяжанием, Хищением, неправдоглаголанием, Скверноприбытчеством, человеимством, Ревнованием, завистию, гневом, Памятозлобием, ненавистию, лихоимством и всеми моими Чувствы: зрением, слухом, обонянием, Вкусом, осязанием и прочии моими грехи, Душевными вкупе и телесными, имиже Тебе, Бога моего и Творца, прогневах, И ближнего моего неправдовах: о сих жалея, Вины себе Тебе, Богу моему, представляю и имею волю Каятися: точию, Господи Боже мой, Помози ми, со слезами смиренно молю Тя; Прешедшая же согрешения моя милосердием Твоим прости Ми, и разреши от всех сих, яже изглаголах пред Тобою, яко благий Человеколюбец.