Mesh Baqy Menny

مش باقي مني غير شوية ضي في عينيّ أنا هديهم لك وامشي بصبري في الملكوت يمكن في نورهم تلمحي خطوة تفرق معاك بين الحياة والموت مش باقي مني غير شوية قوة في إرادتي حسبى عليهم وانت بتخطي مش باقي مني غير شوية ضي في عينيّ أنا مش عايزهم لو كنت يوم هلمحك وانت بتوطي في معركة ما فيهاش ولا طيارات ولا جيش وانت في طابور العيش بتبوسي إيد الزمان ينولك لقمة بتبوسي إيد الزمن ينولك لقمة من حقك المشروع مش باقي مني غير شهقة في نفس مقطوع وانا صوتي مش مسموع يا حلمنا الموجوع من المرور ممنوع وانا صوتي مش مسموع يا حلمنا الموجوع من المرور ممنوع مستني لما يمر موكب سلاطينك مستني لما يمر موكب سلاطينك ومش باقي مني غير شوية كفر بشروقك على شوية رحمة من طينك على شوية صبر من دينك مش باقي مني غير شوية لحم في كتافي بلاش يتبعثروا في البحر ومش باقي مني غير شوية لحم في كتافي بلاش يتحرقوا في قطر الصعيد في العيد بلاش لكلب الصيد تناوليهم خذي اللي باقي من الأمل فيهم وابني لي من عضمهم في كل حارة مقام وزوريني مرة وحيدة لو كل ألفين عام ألم الجراح يتلم ومش باقي مني غير شوية دم متلوثين بالهم مرين وفيهم سم ومش باقي مني غير شوية دم مقدرش أسقيك مواجعهم وبردوا مقدرش أرميك وأبعهم يمكن في مرة تطلبيني شهيد هحتاج يوميها الدم هحتاج يوميها الدم يمضي على شهادتي