Икос 4

Слышаша, богомудре Николае, ближнии и дальнии Величие чудес твоих, яко по воздуху легкими Благодатными крылами навыкл еси сущих в бедах Предваряти, скоро от тех избавляя всех Вопиющих тебе таковая: Радуйся, избавление от печали! Радуйся, подаяние благодати! Радуйся, нечаянных зол Прогонителю! Радуйся, желаемых благ Насадителю! Радуйся, скорый утешителю в беде Сущих! Радуйся, страшный наказателю Обидящих! Радуйся, чудес пучино, Богом излиянная! Радуйся, закона Христова скрижали, Богом писанныя! Радуйся, крепкое падающих воздвижение! Радуйся, право стоящих Утверждение! Радуйся, яко тобою всякая ересь Обнажается! Радуйся, яко тобою всякая истина Сбывается! Радуйся, Николае, Великий Чудотворче!