Молитва от алкоголизма мученику Вонифатию

Молитва от алкоголизма святому мученику Вонифатию. О, многострадальный и всехвальный мучениче Вонифатие! Ко твоему заступлению ныне прибегаем. Моления наших не отвержи, но милостиво услыши нас. Исцели братию и сестры наша Тяжким недугом пьянства одержимые и того ради от Матери своея Церкви Христовой и вечного спасения Отпадающие. О, святый мучениче Христов! Коснися сердец их данною ти от Бога благодатию, Скоро возстави от падений греховных и ко Спасительному воздержанию приведи их. Умоли Господа Бога, Егоже ради и страдал еси, Да, простив нам согрешения наша, Не отвратит милости Своея от людей Своих, Но да укрепит нас в трезвости и целомудрии, Да поможет Своею десницею трезвящимся спасительный Обет Свой до конца сохранити, да во дни и В нощи о нем бодрствующе и добрый ответ о Нем воздати на Страшнем судищи. Приими, угодниче Божий, молитвы матерей о чадех Своих, слезы проливающих, жен честных, О мужех рыдающих, чад сирых и убогих, Пьяницами оставленных, всех нас, К иконе твоей припадающих, да приидет сей вопль Молитвами твоими ко Престолу Всевышнего. Покрый и соблюди нас от лукавого ловления и всех Козней вражиих, в страшный час исхода нашего помоги Прейти непреткновенно воздушные мытарства, Молитвами твоими избави нас вечного осуждения, И да покрыет нас милость Божия в нескончаемые веки Веков. Аминь.