Молитва при нападении грабителей св. Иосифу Обручнику Пресвятой Богородицы

Молитва при нападении грабителей святому праведному Иосифу, обручнику Пресвятой Богородицы. Тропарь, глас второй: Благовествуй, Иосифе, Давиду чудеса Богоотцу, Деву видел еси рождшую, с пастырьми славословил еси, С волсви поклонился еси, ангелом весть прием. Моли Христа Бога спасти души наша. Кондак, глас третий: Веселия днесь Давид исполняется божественный, Иосиф же хваления с Иаковом приносит. Венец бо сродством Христовым приемше, Радуются и неизреченно на земли Рождшагося воспевают И вопиют: Щедре, спасай Тебе чтущия. Молитва: О, святый праведный Иосифе! Ты еще на земли сый, велие имел еси дерзновение К Сыну Божию, Иже благоизволи именовати тя отца Своего, яко обрученика Своея Матери и послушати тя. Веруем, яко ныне с лики праведных во обителях Небесных водворяяся, услышан будеши во всяком твоем Прошении к Богу и Спасителю нашему. Темже ко твоему покрову и заступлению прибегающе, Смиренно молим тя: якоже сам от бури сумнительных Помышлений избавлен был еси, сице избави и нас, Волнами смущений и страстей обуреваемых. Якоже ограждал еси Всенепорочную Деву от клеветы Человеческия, огради и нас такожде от всякия клеветы Напрасныя. Якоже хранил еси от всякого вреда и Озлобления воплотившагося Господа, Сице сохраняй твоим заступлением Церковь Его Православную и всех нас от всякого озлобления и Вреда. Веси, святче Божий, яко и Сын Божий во днех Плоти Своея в телесных потребах нужду имеяше, И ты послужил еси им. Того ради молим тя и нашим временным нуждам Благопоспеши твоим ходатайством, Подая нам вся благая, в житии сем потребная. Изряднее же просим тя, исходатайствуй нам оставление Грехов, приятия от нареченного ти Сына Единороднаго Же, Сына Божия, Господа нашего Иисуса Христа и Достойны быти наследия Царства Небесного нас Предстательством твоим сотвори, да и мы, В горних селениях с тобою водворяющиеся, Прославим Единаго Триепостаснаго Бога: Отца и Сына и Святаго Духа, ныне и во Веки веков. Аминь.