Молитва о доме при наваждении от злых духов

Молитва о доме при наваждении от злых духов. Господи Боже спасения нашего, Сыне Бога живаго, На херувимех носимый, превыше сый всякого начала и Власти, и силы, и господства! Ты еси велий и страшный над всеми сущими окрест Тебе. Ты еси сотворивый землю к крепости Твоей и Исправивый вселенную премудрости Твоей. Трясый поднебесную от оснований, Столпы же ея неподвижны. Глаголяй солнцу, и не воссияет, Звезды же запечатлеяй, запрещаяй морю и изсушаяй Е, егоже ярость тает начала и власти, И камение сотрошася от Тебе. Врата медная стерл еси, и вереи железныя сломил еси, Крепкого связал еси, и сосуды его раздрал еси, Мучителя крестом Твоим низложил еси и змия удою Вочеловеченья Твоего привлекл еси, И узами мрака в Тартаре посадив, Связал еси. Сам убо, Господи, отжени и в бегство претвори всякое Диавольское действо и всякое сатанинское нахождение, Всякий навет сопротивные и належащие силы от крова Сего и от одержимых от него и от обходящих Под ним, вся сущая во дому сем сохрани, Избавляя их от страха нощнаго и стрелы, Летящия во дни, от вещи, во тьме приходящия, От сряща и демона полуденного. Яко Ты еси Боже, утверждение мое, Крепкий обладатель, Князь мира, Отец будущего века, и Царство Твое Царство вечное, И Тебе единого есть Царство, и сила, И слава со Отцем и Святым Духом, Ныне и присно, и во веки веков. Аминь.