Молитва пред иконой Божьей Матери Одигитрия (в случае тревоги за будущее)

Молитвы в тревоге за будущее. Молитва пред иконой Божией Матери Смоленская Одигитрия. О, Пречудная и Превышшая всех тварей Царице Богородице, Небесного Царя Христа Бога нашего Мати, Пресвятая Одигитрие Мария! Услыши ны, грешныя и недостойныя, В час сей пред пречистым образом Твоим припадающия и Сице умильно глаголющия: изведи нас от рова Страстей, Одигитрие благая, избави нас от всякия Скорби и печали, огради от всякия напасти и злых Клевет и от неправеднаго навета вражия. Можеши бо, о Благодатная Мати наша, Не точию от всякаго зла сохранити люди Твоя, Но и всяким благодеянием снабдити и спасти. Разве бо Тебе иныя Предстательницы в бедах и Обстояниях и теплыя Ходатаицы о нас, Грешных, к Сыну Твоему, Христу Богу нашему, Не имамы. Егоже умоли, Владычице, Спасти нас и Царствия Небеснаго сподобити, Да спасени Тобою, славим Тя и в будущем веце, Якоже спасения нашего Виновницу, И превозносим Всесвятое и Великолепое имя Отца и Сына и Святаго Духа, в Троице славимаго и Покланяемаго Бога во веки веков. Аминь.