Молитва Богу при голоде

Молитва Богу при голоде. Господи Боже наш, Боже Всемогущий, Всещедрый и Всемилостивый, в Ветхом Завете избранный Народ Твой сорок лет в пустыне чудесно питавый и Через пророка Твоего Илию во дни глада великого муку И масло у вдовы Сарептовой умноживый, В Новом же Завете пятию хлебами пять тысяч, А также семию хлебами четыре тысячи насытивый, И в последующие времена по вере и молитве рабов Твоих подобные чудеса творивый! Призри ныне милостивым Твоим оком на нас, Грешных рабов Твоих, умилосердися над нами и избави Нас от глада нам грозящего: сотвори по всемогуществу Твоему, да не оскудеет потребное нам пропитание, Да не погибнет безгодно живот наш. Благослови, Господи, хлеб наш и вся ядомое нами, И умножи сия в домах наших и у всех Милующих нас, питающих и благотворящих нам. Сотвори, дабы пища, аще и в малом количестве нами Вкушаемая, имела достаточную питательную силу, Да не ослабеет тело наше и здоровье да сохранится, И дух да не приидет в уныние. От Тебя бо помощь вси приемлем, На Тя уповаем и Тебе славу возсылаем, Отцу и Сыну и Святому Духу, ныне и присно И во веки веков. Аминь.