Молитвы о путешествующих

Молитвы о путешествующих. Тропарь, глас второй: "Путь и истина сый, Христе, спутника ангела Твоего Рабам Твоим ныне, яко же Товии иногда, Посли, сохраняюща и невредимых к славе Твоей от Всякого зла, во всяком благополучии соблюдающа Молитвами Богородицы, едине Человеколюбче". Кондак, глас второй: "Луце и Клеопе в Эммаус Спутешествовавый, Спасе, шествуй и ныне рабам Твоим, Путешествовати хотящим, от всякого избавляя их злаго Обстояния. Вся бо Ты, яко Человеколюбец, можеши, Хотяй". Молитва: Господи Иисусе Христе, Боже наш, Истинный и живый путю, странствовати мнимому Твоему Отцу Иосифу и Пречистей Ти Деве Матери во Египет Изволивый, и Луце и Клеопе в Эммаус Спутешествовавый! И ныне смиренно молим Тя, Владыко Пресвятый, И рабом Твоим сим Твоею благодатию спутешествуй, И якоже рабу Твоему Товии, ангела хранителя и Наставника посли, сохраняюща и избавляюща их от Всякого злаго обстояния видимых и невидимых врагов и Ко исполнению заповедей Твоих наставляюща, Мирно же и благополучно, и здраво препровождающа и Паки цело и безмятежно возвращающа, И даждь им все благое свое намерение ко Благоугождению Твоему благополучно в славу Твою Исполнити. Твое бо есть, еже миловати и спасати ны, И Тебе славу возсылаем со Безначальным Твоим Отцем и Со Пресвятым и Благим и Животворящим Твоим Духом, Ныне и присно и во веки веков. Аминь.