Совмещенные каноны ко святому Причащению

Яко пастуху бише шествовав Израиль по бездне Стопами, гонителя фараона видят Потопляема, Богу победную песнь твоим Вопияше. Помилуй мя, Боже, помилуй мя! Ныне приступих аз, грешный обремененный, К Тебе, Владыце Богу моему, не смею же взирати На небо, токмо молюся, глаголя: даждь ми, Господи, ум, да плачуся дел моих горько. Помилуй мя, Боже, помилуй мя! О, горе мне грешному! Паче всех человек окаянен есмь, Покаяния несть во мне. Даждь ми, Господи, слезы, да плачуся дел моих Горько. Помилуй мя, Боже, помилуй мя! Безумне, окаянный человече, в лености время губиши, Помысли житие твое и обратися ко Господу Богу и Плачися о делех твоих горько. Пресвятая Богородице, спаси нас! Мати Божия Пречистая, воззри на мя грешнаго, И от сети диаволю избави мя, и на путь Покаяния настави мя, да плачуся дел моих горько. Пресвятая Богородице, спаси нас! Многими содержим напастьми, к Тебе прибегаю, Спасения иский: о Мати Слова и Дево, От тяжких и лютых мя спаси. Пресвятая Богородице, спаси нас! Страсти мя смущают прилози, многого уныния исполнити Мою душу: умири от роковицы тишиною Сына и Бога Своего, Всенепорочная. Пресвятая Богородице, спаси нас! Спаса рождшую Тя и Бога молю, Дево, Избавитися ми лютых: к Тебе бо ныне прибегая, Простираю душу и помышление. Пресвятая Богородице, спаси нас! Недугующа телом и душею, посещения божественнаго и Промышления от Тебе сподоби, едина Богомати, Яко благая Благаго же Родительница. Господи Иисусе Христе, Боже мой, помилуй мя! Песнь воспети восхвалити, Спасе, Твоего раба достойно сподоби, бесплотному Ангелу, Наставнику и хранителю моему. Святый Ангеле Божий, хранителю мой, моли Бога о мне, Едий аз в неразумии в лености ныне лежу, Наставниче мой и хранителю, не остави мене Погибающа. Слава Отцу и Сыну и Святому Духу. Ум мой твоей молитвою направи, Творити ми Божия повеления, да получу от Бога Отдание грехов и ненавидети ми злых настави мя, Молюся ти. И ныне, присно, во веки веков, Аминь. Молися, Девице, о мне, рабе Твоем, Ко Благодателю, со хранителем моим Ангелом, И настави мя творити заповеди Сына Твоего и Творца Моего. Ей, Свят, якоже Ты, Господи Боже мой, Вознеси рок верных Твоих, Боже, И утверди мя на ста камены исповедания Твоего. Помилуй мя, Боже, помилуй мя! Внегда поставлени будут престоли на судищи страшнем, Тогда всех человек дела обличатся; Горе тому будет грешным, в муку отсылаемым. И то ведущи, душе моя, покайся от злых дел Твоих. Помилуй мя, Боже, помилуй мя! Праведницы возрадуются, а грешнии восплачутся, Тогда никтоже возможет помощи нам, Но дела наша осудят нас. Темже прежде конца покайся от злых дел твоих. Помилуй мя, Боже, помилуй мя! Увы мне, великогрешному, иже делы и мысльми Осквернився, ни капли слез имею жестосердия. Ныне возникни от земли, душе моя, И покайся от злых дел твоих. Пресвятая Богородице, спаси нас! Се взывает, Госпоже, Сын Твой и поучает нас на Доброе: аз же грешный добра всегда бегаю, Но Ты, Милостивая, помилуй мя, да покаюсь от злых Моих дел. Пресвятая Богородице, Спаси нас! Предстательство и покров в жизни моея Полагаю Тя, Богородительнице Дево: Ты мя окорми ко пристанищу Твоему, Благих виновна верных утверждение, Едина Всепетая. Пресвятая Богородице, спаси нас! Молю, Дево, душевное смущение и печали моея бурю Разорити: Ты бо, Богоневестная, Начальника тишины Христа родила еси, Едина Пречистая. Пресвятая Богородице, спаси нас! Благодетеля рождши, добрых виновнаго, Благодеяния богатство всем источи: Вся бо можеши, яко сильнаго в крепости Христа Рождши, Богоблаженная. Пресвятая Богородице, спаси нас! Лютыми недуги и болезненными страстьми истязаему, Дево, Ты ми помози, исцелений бо неоскудное Тя знаю Сокровище, Пренепорочная и Неиждивая, Мое. Святый Ангеле Божий, хранителю мой, Моли Бога о мне. Все помышление мое и душу мою к тебе возложих, Хранителю мой, ты от всякия мя напасти вражия Избави. Святый Ангеле Божий, хранителю мой, Моли Бога о мне. Враг попирает мя, и озлобляет, И поучает всегда творити своя хотения: Но ты, наставниче мой, не остави мене погибающа. Слава Отцу и Сыну и Святому Духу. Пети песнь со благодарением и усердием Творцу и Богу Даждь ми и тебе, благому Ангелу, Хранителю моему, избавителю мой, Изми мя от враг, озлобляющих мя. И ныне, присно, и во веки веков, аминь. Исцели, Пречистая, моя многонедужныя струпы, Яже в души, прожени враги, еже присно борются со Мною. Господи, помилуй. Господи, помилуй. Господи, помилуй. Помышляю день страшный и плачуся деяний моих Лукавых: како отвещаю Безсмертному Царю? Или коим дерзновением воззрю на Судию, Блудный аз? Благоутробный Отче, Сыне единородный и Душе Святый, помилуй мя! Слава Отцу и Сыну и Святому Духу. От любве душевныя вопию ти, хранителю моея души, Всесвятый мой Ангеле: покрый мя и соблюди от Лукаваго ловления всегда и к жизни настави небесней, Вразумляя и просвещая и укрепляя мя. И ныне и присно и во веки веков. Аминь. Связан многими ныне пленицами грехов и Содержим лютыми страстьми и бедами, К Тебе прибегаю, моему спасению, Вопию: помози ми, Дево, Мати Божия. Предстательство христиан непостыдное, Ходатайство ко Творцу непреложное, Не презри грешных воений гласы, Но предвари, яко благая на помощь нас, Верно зовущих Ти: ускори на молитву и кощеся на Умоление, предстательствующи присно, Богородице, чтущих Тя. Не ввери мя человечеству, предстательству, Пресвятая Владычице, но приими моление раба Твоего. Скорбь обуяждет мя, терпети не могу земнаго Стреления: покрова не имам, ниже Где прибегну, окаянный, стена побежная, И утешения не имам, разве Тебе, Владычице мира, упование предстательство Верных, не презри моление мое, Полезно сотвори. Явися мне милосерд святый Ангеле Господень, Хранителю мой, и не отлучайся от мене сквернаго, Но просвети мя светом неприкосновенным и сотвори мя Достойна Царствия Небеснаго. Уничиженную душу мою многими соблазны, Ты, святый предстателю неизреченныя славы небесныя, Сподоби и певец лики безплотных сил Божиих, Помилуй мя и сохрани и помыслы добрыми душу мою Просвети, да твоею славою, Ангеле мой, Обогащуся, и низложи зломыслящие мне враги, И сотвори мя достойна Царствия Небеснаго. Христос моя сила. Господь честная Церковь, боголепно поет, Взывающи: осмысл чистого Господи, Празднующи. Помилуй мя, Боже, помилуй мя. Широк путь зде и угодный сласти творити. Но горько будет в последний день, егда душа от Тела разлучатися будет. Блюдися от сих, человече, Царствия ради Божия. Помилуй мя, Боже, помилуй мя. Почто убогаго обидиши, мзду наемничу удерживаеши, Брата твоего не любиши, блуд и гордость гониши. Остави убо сия, душе моя, и покайся Царствия ради Божия. Помилуй мя, Боже, помилуй мя. О безумный человече! Доколе углубляешься, яко пчела, собирающи богатство Твое? Вскоре бо погибнет, яко прах и пепел. Но более взыщи Царствия Божия. Пресвятая Богородице, спаси нас! Госпоже Богородице, помилуй мя, грешнаго, И в добродетели укрепи и соблюди мя, Да наглая смерть не похитит мя неготоваго и доведи Мя, Дево, Царствия Божия. Пресвятая Богородице, спаси нас! Страстей моих смущений, кормчую рождшая Господа и Бурю утеши моих прегрешений Богоневестная. Пресвятая Богородице, спаси нас! Милосердия Твоего бездну, призывающу, Подаждь ми, яже благосердаго рождшая и Спаса всех Поющих Тя. Пресвятая Богородице, спаси нас! Наслаждающеся пречистыя Твоих дарований, Благодарственное воспеваем пение, Ведуще Тя Богоматерь. Пресвятая Богородице, спаси нас! На одре болезни моея и немощи низлежащему, Яко Боголюбива, помози, Богородице, Едина Приснодева. Пресвятая Богородице, спаси нас! Надежду и утверждение, спасения стену недвижиму Имуще Тя, Всепетая, неудобства всякаго избавляемся. Святый Ангеле Божий, хранителю мой, Моли Бога о мне. Моли Человеколюбца Бога ты, хранителю мой, И не остави мене, но присно в мире житие Мое соблюди и подаждь ми спасение неуборимое. Святый Ангеле Божий, хранителю мой, моли Бога о мне, Яко заступника и хранителя животу моему прием тя от Бога, Ангеле, молю тя, святый, От всяких мя бед свободи. Слава Отцу и Сыну и Святому Духу. Мою скверность твоею святынею очисти, Хранителю мой, и от части шуя да отлучен буду Молитвами твоими и причастник славы явлюся. И ныне и присно и во веки веков. Аминь. Недоумение предлежит ми от обышедших мя зол, Пречистая, но избави мя от них скоро, К Тебе бо единей прибегох. Божий свет, той блаже, Утне в сети души, любовию озари, Молюся, тя видети в слове Божии Истиннаго Бога, от мрака греховнаго взывающа. Помилуй мя, Боже, помилуй мя. Воспомине, окаянный человече, како лжам, Клеветам, разбою, немощем, лютым зверем, Грехов ради порабощен еси. Душе моя грешная! Того ли восхотела еси? Помилуй мя, Боже, помилуй мя. Трепещут ми уди, всеми бо сотворих вину: Очима взираяй, ушима слышай, языком злая глаголяй, Всего себе геенне предаяй. Душе моя грешная! Сего ли восхотела еси? Помилуй мя, Боже, помилуй мя. Блудника и разбойника кающася приял еси, Спасе, аз же един леностию греховною отягчився и Злым делом поработихся. Душе моя грешная! Сего ли восхотела еси? Пресвятая Богородице, спаси нас! Дивная и скорая помощница всем человекам, Мати Божия, помози мне, недостойному, Душа бо моя грешная того восхоте. Пресвятая Богородице, спаси нас! Исполни, Чистая, веселия сердце мое, Твою нетленную дающи радость, веселия рождшая Виновнаго. Пресвятая Богородице, Спаси нас! Избави нас от бед, Богородице Чистая, Вечное рождши избавление и мир всякому приимущи. Пресвятая Богородице, спаси нас! Разреши мглу прегрешений моих, Богоневесто, Просвещением Твоея светлости, Свет рождшая Божественный и превечный. Пресвятая Богородице, спаси нас! Исцели, Чистая, души моея неможение, Посещение Твое господобльшая, и здравие молитвами Твоими подаждь ми. Святый Ангеле Божий, хранителю мой, Моли Бога о мне, яко имеяй дерзновение к Богу, Хранителю мой святый, сего умоли от оскорбляющих мя Зол избавити. Святый Ангеле Божий, хранителю мой, Моли Бога о мне. Свете светлый, светло просвети душу мою, Наставниче мой и хранителю, от Бога данный ми, Ангеле. Слава Отцу и Сыну и Святому Духу. Спяща мя зле тяготы греховныя ко бдящи сохрани, Ангеле Божий, и возстави мя на славословие молением Твоим, и ныне присно и во веки веков. Аминь. Марий, Госпоже Богородице Безневестная, Надеждо верных, вражия возношения низложи, Поющия же Тя возвесели. Житейским морем возвезаемое зря Напастьми бурею, к тихому приставничеству Твоему Притеку, впию Ти: возведи от тли живот мой, Многомилостиве. Помилуй мя, Боже, помилуй мя. Житие на земли блудно пожих и душу во тьму Предах. Ныне убо молю Ти, милостивый Владыко, Свободи мя от работы сея вражия и даждь ми Разум творити волю Твою. Помилуй мя, Боже, помилуй мя. Кто творит таковая, якоже аз? Якоже бо свиния лежит в калу, тако и аз Греху служу. Но Ты, Господи, исторгни мя от гнуса сего и Даждь ми сердце творити заповеди Твоя. Помилуй мя, Боже, помилуй мя. Воспряни, окаянный человече, к Богу, Воспомянув своя согрешения, припадай ко Творцу, Слезя и стеня. Тойже, яко милосерд, даст ти ум знати волю Свою. Пресвятая Богородице, спаси нас! Богородице Дево, от видимаго и невидимаго зла Сохрани мя, Пречистая, и приими молитвы моя, И донеси я Сыну Твоему, да даст ми ум Творити волю Свою. Пресвятая Богородице, спаси нас! В смерти и тли яко спасл есть, Сам Ся издав смерти, тлением и смертию мое естество Ято бывшее, Дево, моли Господа и Сына Твоего врагов Злодействия мя избавити. Пресвятая Богородице, спаси нас! Предстательницу Тя живота вем и хранительницу Тверду, Дево, и напасти решащу молвы и налоги бесов Отгоняющу, и молюся всегда от тли страстей избавити Мя. Пресвятая Богородице, спаси нас! Яко стену прибежища стяжахом и душ всесовершенное Спасение, и пространство в скорбех Отроковицы, И просвещением Твоим присно радуемся, О Владычице, и ныне нас от страстей и бед Спаси. Пресвятая Богородице, спаси нас! На одре ныне немощствую и лежу, И несть исцеления плоти моей. Но Бога и Спаса миру и Избавителя недугов рождшая, Тебе молюся, Благой: от тли недуг возстави мя. Святый Ангеле Божий, хранителю мой, Моли Бога о мне. Всяких мя напастей свободи и От печалей спаси, молюся Ти, святый Ангеле, Данный ми от Бога, хранителю мой добрый. Святый Ангеле Божий, хранителю мой, Моли Бога о мне. Освети ум мой, блажий, и просвети мя, Молюся Ти, святый Ангеле, и мыслити ми полезная Всегда настави мя. Слава Отцу и Сыну и Святому Духу. Устави сердце мое от настоящего мя тежа и бдети Укрепи мя во благих, хранителю мой, И настави мя чудно к тишине животней. И ныне присно и во веки веков. Аминь. Слово Божие в Тя вселися, Богородице, и человеком Тя показа небесную лестницу: Тобою бо к нам Вышний сошел есть. Душе моя, почто грехами богатееши, Почто волю диаволю твориши, в чесом надежду Полагаеши? Престани от сих и обратися к Богу с Плачем, зовущи: милосерде Господи, Помилуй мя грешнаго. Помысли, душе моя, горький час смерти и страшный суд Творца твоего и Бога: Ангели бо грознии поймут тя, Душе, и в вечный огнь введут. Убо прежде смерти покайся, вопиющи: Господи, помилуй мя грешнаго. Рассуждательна убо пещь содела, Ангел, преподобный во мраком холде иже Вопиющее веление Божие мучителю увещал Упити: благословен еси, Боже отец наших. Помилуй мя, Боже, помилуй мя. Не надейся, душе моя, на тленное богатство и на Неправедное собрание: вся бо сия не веси кому Оставиши; но возопий-Помилуй мя, Христе Боже, недостойнаго. Помилуй мя, Боже, помилуй мя. Не уповай, душе моя, на телесное здравие и на Скоро мимоходящую красоту: видиши бо, Яко сильнии и младии умирают, но возопий: Помилуй мя, Христе Боже, недостойнаго. Помилуй мя, Боже, помилуй мя. Воспомяни, душе моя, вечное житие, Царство Небесное, уготованное святым, И тьму кромешную и гнев Божий злым, И возопий: помилуй мя, Христе Боже, Недостойнаго. Пресвятая Богородице, спаси нас! Припади, душе моя, к Божией Матери и помолися Той, Есть бо скорая Помощница кающимся, Умолит Сына, Христа Бога, и помилует мя Недостойнаго. Пресвятая Богородице, спаси нас! Наше спасение якоже восхотел еси, Спасе, устроити, во утробу Девы вселился еси, Юже миру Предстательницу показал еси, Отец наших, Боже, благословен еси. Пресвятая Богородице, спаси нас! Волителя милости, Егоже родила еси, Мати Чистая, умоли избавитися от прегрешений и Душевных скверн веруящим: отец наших, Боже, благословен еси. Пресвятая Богородице, спаси нас! Сокровище спасения и источник нетления Тя рождшую и Столп утверждения и дверь покаяния зовущим показал Еси: отец наших, Боже, благословен еси. Пресвятая Богородице, спаси нас! Телесные слабости и душевные недуги, Богородительнице, любовию приступающих к крову Твоему, Дево, исцелити сподоби, Спаса Христа нам рождшая. Святый Ангеле Божий, хранителю мой, Моли Бога о мне. Милостив буди ми и умоли Бога, Господень Ангеле: имею бо тя заступника во всем Животе моем, наставника же и хранителя, От Бога дарованнаго ми во веки. Святый Ангеле Божий, хранителю мой, моли Бога о мне. Не остави в путь шествующия души моея, Окаянныя, убити разбойником, святый Ангеле, Яже ти от Бога предана бысть непорочне, Но настави ю на путь покаяния. Слава Отцу и Сыну и Святому Духу. Всю посрамлену душу мою привожду от лукавых ми Помысл и дел; но предвари, наставниче мой, И исцеление ми подаждь благими помыслы уклонятися Всегда на правыя стези. И ныне и присно и во веки веков. Аминь. Премудрости исполнь всех и крепости Божественная, ипостасная Премудросте Вышняго, Богородице Ради, верою вопиющих: Отец наших, Боже, благословен еси. Из пламене преподобным росы источил еси и праведнаго Же то водою попали еси, вся бо от Твоих, Вся Тебе, вся превозносим, во вся Веки. Помилуй мя, Боже, помилуй мя. Како не имам плакати, егда помышляю смерть? Видех бо во гробе лежаща брата моего безславно и Безобразно. Что убо чаю и на что надеюся? Токмо даждь ми, Господи, прежде конца покаяние. Помилуй мя, Боже, помилуй мя. Како не имам плакати, егда помышляю смерть? Видех бо во гробе лежаща брата моего безславно и Безобразно. Что убо чаю и на что надеюся? Токмо даждь ми, Господе, прежде конца покаяние. Помилуй мя, Боже, помилуй мя. Верую, яко приидеши судити живых и мертвых, И вси во своем чину станут: старии, Младии, владыки и князи, девы и священницы. Где обрящуся аз? Сего ради вопию: даждь ми, Господи, Прежде конца покаяние. Пресвятая Богородице, спаси нас! Пречистая Богородице, приими недостойную молитву мою И сохрани мя от наглая смерти, И даруй ми прежде конца покаяние. Пресвятая Богородице, спаси нас! Помощи яже от Тебе требующия не презри, Дево, поющия и превозносящия Тя во веки. Пресвятая Богородице, спаси нас! Неможение души моея исцеляеши и телесныя болезни, Дево, да Тя прославлю, Чистая, Во веки. Пресвятая Богородице, Спаси нас! Исцелений богатство изливаеши верно Поющим Тя, Дево, и превозносящим неизреченное Твое Рождество. Пресвятая Богородице, Спаси нас! Напасти ты прилоги отгоняеши и страстей Находы, Дево, темже Тя поем во вся веки. Святый Ангеле Божий, хранителю мой, Моли Бога о мне. От Бога посланный, утверди живот мой, Раба Твоего, преблагий Ангеле, И не остави мене во веки. Святый Ангеле Божий, хранителю мой, Моли Бога о мне. Ангела Тя суща блага, души моея наставника и Хранителя, преблаженне, воспеваю во веки. Слава Отцу и Сыну и Святому Духу. Буди ми покров и забрало в день испытания всех Человек, воньже огнем искушаются дела благая же и Злая. И ныне и присно и во веки веков. Аминь. Буди ми помощница и тишина, Богородице Приснодево, рабу Твоему, И не остави мене лишена быти Твоего владычества. Бога человеком невозможно видети, На Негоже ни смерити ока, Тобою же, Всечистая, явися человеку Слово Воплощено, Егоже величающе, с небесными Вои тя ублажаем. Помилуй мя, Боже, помилуй мя, ныне к вам прибегаю, Ангели, Архангели и вся Небесные Силы, У Престола Божия стоящии, молитеся ко Творцу своему, Да избавит душу мою от муки вечныя. Помилуй мя, Боже, помилуй мя, ныне плачуся к вам, Святии патриарси, цари, пророцы, Апостоли, святители и вси избраннии Христовы, Помозите ми на суде, да спасет душу мою от Силы вражия. Помилуй мя, Боже, помилуй мя, ныне к вам во Sдежеру, святии мученицы, пустынницы, Девственницы, праведницы и вси святии, Молящиися ко Господу за весь мир, Да помилуют мя в час смерти моея. Пресвятая Богородице, спаси нас! Мати Божия, помози ми, на Тя сильно надеющемуся, Умоли Сына Своего, да поставит мя недостойнаго Одесную Себе, егда сядет судити живых и мертвых. Аминь. Пресвятая Богородице, спаси нас! Тока слез моих не отвратися, яже от всякаго лица Всяку слезу отъемшаго, Дево Христа рождшая. Пресвятая Богородице, спаси нас! Радости мое сердце исполни, Дево, Яже радости приемшее исполнение, Греховную печаль потребляющи. Пресвятая Богородице, спаси нас! Пристанище и предстательство Тебе прибегающих буди, Дево, и стена нерушимая, прибежище же покров и Веселие. Пресвятая Богородице, спаси нас! Света Твоего зарями просвети, Дево, Мрак неведения отгоняющи, благоверно Богородицу Тя Исповедающих. Пресвятая Богородице, спаси нас! На месте озлобления немощи смирившагося, Дево, исцели, из нездравия во здравие претворяющи. Господи Иисусе Христе, Боже мой, Помилуй мя. Пощади, Боже, наследие Твое, Грехи наша вся презрев ныне, на сие имея молящую Тя на земли без семене Тебе рождшую, Великия ради милости восхотевшаго вообразитися, Христе, в человечество. Помилуй мя, Едине Спасе мой, яко милостив еси и Милосерд, и праведных ликов сотвори мя причастника. Святый Ангеле Божий, хранителю мой, моли Бога о мне. Мыслити ми присно и творити, Господень Ангеле, Благая и полезная даруй, яко сильна яви в немощи И непорочна. Слава Отцу и Сыну Святому Духу. Яко имея дерзновение к Царю Небесному, Того моли с прочими безплотными помиловати мя, Окаяннаго. И ныне и присно и во веки веков, аминь. Много дерзновения имущи, Дево, к воплощшемуся из Тебе, предложи мя от уз и разрешение подаждь и Спасение молитвами Твоими. Владыко Христе Боже, Иже страстьми Своими страсти Моя исцеливый и язвами Своими язвы моя уврачевавый, Даруй мне, много Тебе прегрешившему, слезы умиления, Сраствори моему телу от обоняния Животворящего Тела Твоего и наслади душу мою Твоею честною Кровию от Горести, еюже мя сопротивник напои, Возвыси мой ум, к Тебе долу поникший, И возведи от пропасти погибели: Яко не имам покаяния, не имам умиления, Не имам слезы утешительныя, возводящия чадо ко Своему наследию. Омрачихся умом в житейских страстех, Не могу воззрети к Тебе в болезни, Не могу согретися слезами яже к Тебе любве. Но, Владыко Господи Иисусе Христе, Сокровище благих, даруй мне покаяние всецелое и Сердце люботрудно во взыскание Твое, Даруй мне благодать Твою, обнови во мне зраки Твоего Образа. Оставих Тя, не остави мене, Изыди на взыскание мое, возведи к пажити Твоей и Сопричти мя овцам избраннаго Твоего стада, Воспитай мя с ними от злака Божественных Твоих Таинств, молитвами Пречистыя Твоея Матери и всех Святых Твоих. Аминь. Царице моя Преблагая, надеждо моя Богородице, Приятелище сирых и странных Предстательнице, скорбящих радосте, Обидимых покровительнице! Зриши мою беду, зриши мою Скорбь, помози ми яко немощну, Окорми мя яко странна. Обиду мою веси, разреши ту, яко Волиши: яко не имам иныя помощи Разве Тебе, ни иныя предстательницы, Ни благия утешительницы, токмо Тебе, О Богомати, яко да Сохраниши мя и покрыеши во веки Веков. Аминь. К кому возопию, Владычице? К кому прибегну в горести моей, аще не к Тебе, Царице Небесная? Кто плач мой воздыхания моя приимет, Аще не Ты, Пренепорочная, надеждо христиан и Прибежище нам грешным? Кто паче Тебе в напастех защитит? Услыши убо стенание мое и приклони ухо Твое ко Мне, Владычице Мати Бога моего, И не презри мене, требующаго Твоея помощи, И не отрини мене грешнаго. Вразуми и научи мя, Царице Небесная! Не отступи от мене, раба твоего, Владычице, За роптание мое. Но буди мне Матерь и Заступница. Вручаю себе милостивому покрову Твоему. Приведи мя, грешнаго, к тихой и безмятежной жизни, Да плачуся о гресех моих. К кому бо прибегну повинный аз, аще не к Тебе, упованию и прибежищу грешных, Надеждою на неизреченную милость Твою и щедроты Твоя Окриляем? О Владычице Царице Небесная! Ты мне упование и прибежище, покров и заступление в Помощь. Царице моя Преблагая и скорая Заступнице, Покрый Твоим ходатайством моя прегрешения, Защити мене от враг видимых и невидимых, Умягчи сердца злых человек, восстающих на мя. О Мати Господа моего Творца! Ты еси корень девства и неувядаемый цвет чистоты. О Богородительнице! Ты подаждь ми помощь немощствующему плотскими Страстьми и болезнующему сердцем, Единому Твое и с Тобою Твоего Сына и Бога Нашего имам заступление, и Твоим пречудным Заступлением да избавлюся от всякия беды напасти. О Пренепорочная Преславная Божия Мати Мария! Темже со упованием глаголю и вопию: Радуйся, Благодатная, радуйся, Обрадованная, Радуйся, Преблагословенная, Господь с Тобою! Ангеле Христов, к тебе припадаю и молюся, Хранителю мой святый, преданный мне на соблюдение Души и телу моему грешному от святаго крещения. Аз же своею леностью и своим злым обычаем прогневах Твою пречистую светлость и отгнах тя от себе всеми Студными делы: лжами, клеветами, Завистию, осуждением, непокорством, Братоненавидением и злопомнением, Сребролюбием, прелюбодеянием, яростию, Скупостию, объядением, безсытостию, Пивством, многоглаголанием, злыми помыслы лукавыми, Гордым обычаем и блудным возбешением, Имый самохотение на всякое плотское вожделение. О злое мое произволение, егоже и скоти безсловеснии Не творят! Да како возможеши воззрети на мя или Приступить ко мне, аки псу смердящему? Которыма очима, ангеле Христов, Воззриши на мя, оплетшася зле во гнусных делех. Да како уже возмогу отпущения просити горьким и злым Моим и лукавым деянием, в няже впадаю по вся Дни и нощи, и на всяк час? Но молюся ти припадая, хранителю мой святый, Умилосердися на мя, грешнаго и недостойного раба Твоего. Буди ми помощник и заступник на злаго моего Сопротивника святыми твоими молитвами, И Царствия Божия причастника мя сотвори со всеми Святыми, всегда, ныне и присно и во веки. Аминь.