Молитвы ко святому Причащению

Хотя есть и человече тело Владычня страхом Приступить, да не опалишися: огнь бо есть. Божественную же пия кровь, ко общению первее Примирися тя опечалившим. Таже дерзая таинственную брашно яждь, Прежде причастия страшныя Жертвы, Животворящаго Тела Владычня, сим помолися образом, Со трепетом: Владыко Господи Иисусе Христе, Боже наш, Источниче жизни и безсмертия, Всея твари видимыя и невидимыя Содетелю, Безначальнаго Отца соприсносущный Сын и Собезначальный, премногия ради благости в последния Дни в плоть оболкийся, распныйся, и погребыйся за Ны, неблагодарныя и злонравныя, и Твоею кровию Обновивый растлевшее грехом естество наше, Сам, Безсмертный Царю, приими и мое, грешнаго, Покаяние, и приклони ухо Твое мне, И услыши глаголы моя: согреших бо, Господи, согреших на небо и пред Тобою, И несмь достоин воззрети на высоту славы Твоея: Прогневах бо Твою благость, Твоя заповеди преступив И не послушав Твоих повелений. Но Ты, Господи, незлобив сый и долготерпелив же Многомилостив, не предал еси мя погибнути со Беззаконьми моими: моего всячески ожидая обращения. Ты бо рекл еси, Человеколюбче, пророком Твоим, Яко хотениям не хочу смерти грешника, Но еже обратитися ей и живу быти ему. Не хощеши бо, Владыко, создания Твоею руку погубити, Ниже благоволиши о погибели человечести, Но хощеши всем спастися и в разум истины приити. Темже и аз, аще недостоин есмь небесе и земли И сея привременныя жизни, всего себе повинув греху и Сластем поработив, и Твой осквернив образ, Но творение, создание Твое быв, не отчаиваю своего Спасения, окаянный, на Твое же безмерное Благоутробие дерзая, прихожду. Приими убо и мене, Человеколюбче Господи, Якоже блудницу, яко разбойника, яко мытаря, Яко блуднаго, и возьми мое тяжкое бремя грехов, Грех в земли и мира, и немощи человечески исцеляяй, Труждающияся и обремененныя к Себе призываяй и Упокоеваяй, не пришедый призвати праведныя, Но грешныя на покаяние. И очисти мя от всякия скверны плоти и духа И научи мя совершати святыню во страсе Твоем, Яко да чистым сведением совести моея святынь Твоих Часть приемля, соединюся святому Телу Твоему и Крови И имею Тебе во мне живуща и пребывающа, Со Отцем и Святым Твоим Духом. Ей, Господи Иисусе Христе, Боже мой, И да не в суд ми будет причастие Пречистых И Животворящих Тайн Твоих, ниже да немощен буду Душею же и телом, от еже недостойне тем причащатися, Но даждь ми даже до конечнаго моего издыхания Неосужденно воспринимати часть Святынь Твоих, В Духа Святаго общение на пути живота вечнаго и Во благоприятен ответ на Страшнем судищи Твоем, Яко да и аз со всеми избранными Твоими общник Буду нетленных Твоих благ, яже уготовал еси любящим Тя, Господи, в нихже препрославлен еси во веки. Аминь. Господи Боже мой, вем, яко несмь достоин, Ниже доволен, да под кров внидеши храма души моея, Занеже весь пуст и пал сыйесть, И не имаши во мне места достойна, еже главу Подклонити. Но якоже с высоты нас ради смирил еси Себе, Смирися и ныне смирению моему, и якоже восприял еси В вертепе и в яслех безсловесных возлещи, Сице восприими в яслех безсловесной моея души и во Оскверненное мое тело внити. И якоже не неудостоил еси внити и свечеряти со Грешники в дому Симона прокаженнаго, Тако изволи внити в дом смиренныя моея души, Прокаженныя и грешныя. И якоже не отринул еси подобную мне блудницу и Грешную, пришедшую прикоснувшуюся Тебе, Сице умилосердися о мне грешнем, Приходящем прикасающемтися. И якоже не возгнушался еси скверных ея уст и Нечистых, целующих Тя, ниже моих возгнушайся Скверных и оных уст и нечистых, ниже мерзких моих И нечистых устен и сквернаго нечистейшаго моего Языка, но да будет ми уголь Пресвятаго Твоего Тела Честныя Твоея Крове во освящение и просвещение, И здравие, и смирение моей души и телу, Во облегчение тяжести многих моих согрешений, В соблюдение от всякаго диавольскаго действа, Во отгнание и возбранение злаго моего и лукаваго Обычая, во умерщвление страстей, В снабдение заповедей Твоих, в приложение Божественныя Твоея благодати и Твоего Царствия Присвоение. Не бо яко призираю и прихожду к Тебе, Христе Боже, но яко дерзаю на неизреченную Твою Благость, и да не намнози удаляяся общения Твоего, От мысленнаго волка звероуловлен буду. Темже молюся Тебе: яко един сый Свят Владыко, Освяти мою душу и тело, ум и сердце, Чревеса и утробы, и всего мя обнови и вкорени Страх Твой в удесех моих, и освящение Твое Неотъемлемо от мене сотвори. И буди ми помощник и заступник, укормляя в мире Живот мой, сподобляя мя и одесную Тебе предстояния Со святыми Твоими, молитвами моленьми Пречистыя Твоея Матери, невещественных Твоих служителей, Пречистых Сил и всех святых, от века Тебе Благоугодивших. Аминь. Едине Чистый Нетленный Господи, за неизреченную Милость человеколюбия наша вся восприем и смешение От чистых и девственных кровей, Паче естества рождшия Тя Духа Божественнаго Нашествием и благоволением Отца Присносущнаго, Христе Иисусе, Премудросте Божия и Мире и Сило, Твоим восприятием Животворящее спасительное Страдание восприемый, Крест, гвозди, Копие, смерть, умертви моя душетленныя страсти Телесныя: Погребением Твоим адово пленивый царствие, Погреби моя благими помыслы, лукавая советовании и Лукавствия духи разори тридневным Твоим и живоносным Воскресением падшего праотца восставивый, Возстави мя, грехом поползшегося, Образом непокаяния, предлагая преславным Твоим Вознесением плотское обожил и восприятие, И седесным Отца седением почти, Сподоби мя причастием святых Твоих Таин десную часть Спасаемых получити, снизшедшим Утешителя Твоего Духа Сосуды честны священны Твоя ученики соделавый, Приятелище мене покажи того пришествия, Хотяй паки приити судити вселенней правдою, Благоволи и мне осрести Тя на облацех Судию и Создателя моего со всеми святыми Твоими, Да бесконечно славословлю и воспеваю Тя со Безначальным Твоим Отцем и Пресвятым и Благим и Животворящим Твоим Духом, ныне присно и во веки Веков. Аминь. Владыко Господи Иисусе Христе, Боже наш, Едине имеяй власть человекам оставляти грехи, Яко благ и человеколюбец, презри моя вся в ведении И неведении прегрешения и сподоби мя неосужденно Причаститися Божественных и преславных, И пречистых, и животворящих Твоих Тайн, Не в тяжесть, не в муку, не в приложение Грехов, но во очищение, освящение обручение будущего Живота и Царствия, в стену и помощь и возражение Сопротивных, во истребление многих моих согрешений. Ты бо еси Бог милости и щедрот, и человеколюбия, И Тебе славу возсылаем со Отцем и Святым Духом, Ныне и присно и во веки веков. Аминь. Вем, Господи, яко недостойный причащаюся Пречистаго Твоего Тела и честныя Твоея Крови и Повинен есмь и суд Тебе ям и пию, Не разсуждая Тела и Крови Тебе, Христа и Бога моего, но на щедроты Твоя дерзая Прихожду к Тебе, Рекшему: ядый Мою Плоть и пияй Мою Кровь, во Мне пребывает и Аз в нем. Умилосердися убо, Господи, и не обличи мя грешнаго, Но сотвори со мною по милости Твоей, И да будут ми Святая сия во исцеление, И очищение, просвещение, и сохранение, Спасение, и во освящение души и тела, Во отгнание всякаго мечтания и лукаваго деяния, И действа диавольскаго, мысленне во удесех моих Действуемаго, в дерзновение и любовь, Яже к Тебе, во исправление жития и утверждение, В возращение добродетели и совершенства, Во исполнение заповедей в Духа Святаго общение, В напутие живота вечнаго, во ответ благоприятен на Страшнем судищи Твоем, не в суд или во осуждение. От скверных устен, от мерзкаго сердца, От нечистаго языка, от души оскверненны, Приими моление, Христе мой, и не презри моих ни Словес, ниже образов, ниже безстудия: Даждь ми дерзновенно глаголати, яже хощу, Христе мой, паче же и научи мя, Что ми подобает творити и глаголати. Согреших паче блудницы, яже уведе, Где обитаеши, миро купивши, прииде дерзостно Помазати Твои нози, Бога моего, Владыки Христа моего; якоже ону не отринул еси Пришедшую от сердца, ниже мене возгнушайся, Слове: Твои же ми подаждь нози держати и целовати И струями слезными, яко многоценным миром, Сия дерзостно помазати. Омый мя слезами моими, очисти мя ими, Слове, остави прегрешения моя и прощение ми подаждь. Веси зол множество, веси и струпы моя, И язвы зриши моя; но и веру веси, Произволение зриши, воздыхания слышиши. Не таится Тебе, Боже мой, Творче мой, Избавителю мой, ниже капля слезная, Ниже капли часть некая; несоделанное мое видисти очи Твои, в книге же Твоей и еще несодеянная написаны Тебе суть. Виждь смирение мое, виждь труд мой и лик, И грехи вся остави ми, Боже всяческих, Да чистым сердцем, трепетною мыслию и душею Сокрушенною нескверных Твоих причащуся и Пресвятых Тайн, имиже оживляется и обожается всяк ядый же и Пияй чистым сердцем. Ты бо рекл еси, Владыко мой: всяк ядый Мою Плоть и пияй Мою Кровь, во Мне убо сей Пребывает, в Нем же и Аз есмь. Истинно слово всяко Владыки и Бога моего: Божественных бо причащаяся и боготворящих Благодатей, не убо есмь един, но с Тобою, Христе мой, Светом Трисолнечным, Просвещающим мир: да убо не един пребуду кроме Тебе, Живодавца дыхания моего, живота моего, Радования моего, спасение миру. Сего ради к Тебе приступих, якоже зриши, Со слезами и душею сокрушенною, Избавления моих прегрешений прошу прияти ми и Твоих Живодательных и непорочных Таинств причаститися Неосужденно, да пребудеши, якоже рекл еси, Со мною триокаянным, да не кроме обрет мя Твоея Благодати прелестник, восхитит мя льстивне, И, прельстив, отведет боготворящих Твоих словес. Сего ради к Тебе припадаю и тепло вопию Ти: Якоже блуднаго приял еси и блудницу пришедшую, Тако приими мя, блуднаго и сквернаго, Щедре, душею сокрушенною ныне бо к Тебе приходяй, Вем, Спасе, яко иный, якоже аз, Не прегреши Тебе, ниже содея деяния, Яже аз содеях. Но сие паки вем, яко ни величество прегрешений, Ни грехов множество превосходит Бога моего многое Долготерпение и человеколюбие крайнее: Но милостию, сострадастием тепле кающийся и чистиши, И светлиши, и светом твориши причастники общники Божества Твоего, соделовая независтно, И странное и Ангелом и человеческим мыслем, Беседуеши им многажды, якоже другом Твоим истинным. Сия дерзостно творят мя, сия впиряют мя, Христе Боже мой, И дерзая Твоим богатым к нам Благодеянием, радуяся вкупе и трепеща о гневе, Причащуюся Трова сый и странно чудо орошаем Неопально, якоже убо купина древле неопальне горящи, Ныне благодарною мыслию, благодарным же сердцем, Благодарными удесы моими, души и тела моего Поклоняюсь и величаю, и славословлю Тя, Боже мой, яко благословенно суще ныне же и во Веки. Боже, ослаби, остави, прости ми согрешения моя, Елика Ти согреших, аще словом, аще делом, Аще помышлением, волею или неволею, Разумом или неразумием: вся ми прости, Яко благ и человеколюбец. И молитвами Пречистыя Твоея Матери, Умных Твоих служителей и святых сил, И всех святых, от века Тебе благо угодивших, Неосужденно благоволи прияти ми святое и пречистое Твое Тело и честную Кровь во исцеление души же И тела и во очищение лукавых моих помышлений, Яко Твое есть Царство, и сила, И слава, со Отцем и Святым Духом, Ныне и присно, и во веки веков. Аминь. Несмь доволен, Владыко Господи, Да внидеши под кров души моея, но понеже хощеши Ты, яко Человеколюбец, жити во мне, Дерзая приступаю, повелеваеши да отверзу двери, Яже Ты един создал еси, и внидеши со Человеколюбием, Якоже еси. Внидеши и просвещаеши помраченный мой Помысл: верую, яко сие сотвориши, Небо блудницу, со слезами пришедшую к Тебе, Отгнал еси, ниже мытаря отвергл еси покаявшася, Ниже разбойника, познавша Царство Твое, Отгнал еси, ниже гонителя, покаявшася, Оставил еси, еже бе. Но от покаяния Тебе пришедшая вся в лице Твоих Другов чинил еси, Един сый благословенный всегда, Ныне в бесконечные веки. Аминь. Господи Иисусе Христе, Боже мой, Ослаби, остави, очисти и прости ми грешному, И непотребному, и недостойному рабу Твоему Прегрешения согрешения, и грехопадения моя, Елика Ти от юности моея даже до настоящего дне Часа согреших, аще в разуме, в неразумии, Аще в словесех, или делех, или помышлениях, И мыслех, и начинаниях, и всех моих чувствах, И молитвами безсеменно рожшия Тя, Пречистыя и Приснодевы Марии, Матери Твоея, Единыя непостыдныя надежды, предстательства, И спасения моего, сподоби мя неосужденно Причаститися Пречистых, Безсмертных, Животворящих и Страшных Твоих Таинств, Во оставление грехов и в жизнь вечную, Во освящение, просвещение, крепость, Исцеление здравия души же и тела, И в потребление и всесовершенное погубление лукавых Моих помыслов и помышлений, и пред приятии нощных Мечтаний, темных и лукавых духов. Яко Твое есть Царство, и сила, и слава, И честь, и поклонение со Отцем и Святым Твоим Духом, ныне присно, и во веки веков. Аминь. Пред дверьми храма Твоего предстою и лютых Помышлений не отступаю. Но Ты, Христе Боже, мытаря оправдивый, И хананею помиловавый, и разбойнику рая двери Отверзый, отверзи ми утробы человеколюбия Твоего и Приими мя приходяща прикасающася Тебе, Яко блудницу и кровоточивую. Оба убо края ризы Твоея коснувшеся, Удобь исцеления прият, оба же Пречистии Твои нозе Одержавше, разрешение грехов понесе. Аз же, окаянный, все Твое Тело дерзаю восприяти, Да неопален буду, но приими мя якоже оныя и Просвети моя душевныя чувства, Попаляя моя греховныя вины, молитвами безсеменно Рожшей Тя и Небесных сил, яко благословен еси во Веки веков. Аминь. Верую, Господи, исповедую, яко Ты еси воистину Христос, Сын Бога Живаго, пришедый в мир грешныя Спасти, от нихже первый есмь аз. Еще верую, яко сие есть самое пречистое Тело Твое, И сия есть самая честная Кровь Твоя. Молюся убо Тебе: помилуй мя, и прости ми прегрешения Моя, вольная и невольная, яже словом, Яже делом, яже ведением и неведением, И сподоби мя неосужденно причаститися Пречистых Твоих Таинств, во оставление грехов и в жизнь Вечную. Аминь. Се приступаю к Божественному Причащению, Содетелю, да не опалиши мя приобщением: Огнь бо еси недостойныя попаляя. Но убо очисти мя от всякия скверны. Вечери Твоея тайныя днесь, Сыне Божий, Причастника мя приими: не бо врагом Твоим тайну Повем, ни лобзания Ти дам, яко Иуда, Но яко разбойник исповедую Тя: Помяни мя, Господи, во Царствии Твоем. Боготворящую Кровь ужаснися человече зря: Огнь бо есть недостойныя попаляяй. Божественное Тело и обожает мя, И питает, обожает дух, ом же питает странно. Усладил мя еси любовью, Христе, И изменил мя еси Божественным Твоим рачением: Но попали огнем невещественным грехи моя и Насытитися, еже в Тебе наслаждение, Сподоби, да ликуя возвеличаю блаже два пришествия Твоя. Во светлостях святых Твоих како вниду Недостойный? Аще бо дерзну со внити в чертог, Одежда мя обличает, яко несть брачна, И связан извержен буду от Ангелов: Очисти, Господи, скверну души моея и спаси мя, Яко Человеколюбец. Владыко Человеколюбче, Господи Иисусе Христе Боже Мой, да не в суд ми будут святая сия, За еже недостойным ми быти, но во очищение освящение Души же и тела, и во обручение будущия жизни И Царствия. Мне же еже прилеплятися Богу благо есть, Полагати во Господе упование спасения моего. Вечери Твоея тайныя днесь, Сыне Божий, Причастника мя приими: не бо врагом Твоим тайну Повем, ни лобзания Ти дам, яко Иуда, Но яко разбойник исповедую Тя: Помяни мя, Господи, во Царствии Твоем.