Молитвенное последование о грехе аборта

Молитвами святых отец наших, Господи Иисусе Христе, Боже наш, помилуй нас. Аминь. Слава Тебе, Боже наш, слава Тебе, Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, Прииди и вселися в ны, и очисти ны от Всякия скверны, и спаси, Блаже, Души наша. Святый Боже, Святый Крепкий, Святый Бессмертный, Помилуй нас. Святый Боже, Святый Крепкий, Святый Бессмертный, помилуй нас. Святый Боже, Святый Крепкий, Святый Бессмертный, Помилуй нас. Слава Отцу и Сыну и Святому Духу, И ныне и присно и во веки веков. Аминь. Пресвятая Троице, помилуй нас, Господи, очисти грехи наша. Владыко, прости беззакония наша. Святый, посети и исцели немощи наша имени Твоего Ради. Господи, помилуй. Господи, помилуй. Господи, помилуй. Слава Отцу и Сыну и Святому Духу, И ныне и присно и во веки веков. Аминь. Отче наш, Иже еси на небесех! Да святится имя Твое, да приидет Царствие Твое, Да будет воля Твоя, яко на небеси на земли. Хлеб наш насущный даждь нам днесь; И остави нам долги наша, якоже и мы оставляем Должником нашим; и не введи нас во искушение, Но избави нас от лукаваго. Помилуй нас, Господи, помилуй нас. Всякаго бо ответа недоумеюще, сию ти молитву яко Владыце грешнии приносим: помилуй нас. Слава Отцу и Сыну и Святому Духу. Господи, помилуй нас, на Тя бо уповахом; Не прогневайся на ны зело, ниже помяни беззаконий Наших, но призри ныне яко благоутробен, И избави ны от враг наших; Ты бо еси Бог наш, и мы люди Твои, вси дела руку Твоею, и имя Твое призываем, и ныне и присно И во веки веков. Аминь. Милосердия двери отверзи нам, благословенная Богородице, надеющиися на Тя да не погибнем, Но да избавимся Тобою от бед, Ты бо еси Спасение рода христианскаго. Господи, помилуй. Господи, помилуй. Господи, помилуй. Господи, помилуй. Господи, помилуй. Господи, помилуй. Господи, помилуй. Господи, помилуй. Господи, помилуй. Господи, Господи, помилуй. Господи, помилуй. Господи, помилуй. Слава Отцу и Сыну и Святому Духу, и ныне И присно и во веки веков. Аминь. Приидите, поклонимся Цареви нашему Богу. Приидите, поклонимся и припадем Христу Цареви нашему Богу. Приидите, поклонимся и припадем самому Христу, Цареви и Богу нашему. Помилуй мя, Боже, по велицей милости Твоей, И по множеству щедрот Твоих очисти беззаконие мое. Наипаче омый мя от беззакония моего, И от греха моего очисти мя; яко беззаконие мое Аз знаю, грех мой предо мною есть выну. Тебе единому согреших и лукавое пред Тобою сотворих, Яко да оправдишися во словесех Твоих и победиши Внегда судити Ти. Се бо, в беззакониях зачат есмь, и во гресех Роди мя мати моя. Се бо, истину возлюбил еси; безвестная и тайная Премудрости Твоея явил ми еси. Окропиши мя иссопом, очищуся; омыеши мя, И паче снега убелюся. Слуху моему даси радость и веселие; возрадуются Кости смиренныя. Отврати лице Твое от грех моих и вся беззакония Моя очисти. Сердце чисто созижди во мне, Боже, дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе Обратятся. Избави мя от кровей, Боже, Боже спасения моего; возрадуется язык мой Правде Твоей. Господи, устне мои отверзеши, Уста моя возвестят хвалу Твою. Яко аще бы восхотел еси жертвы, дал бых убо: Всесожжения не благоволиши. Жертва Богу дух сокрушен; сердце сокрушенно и Смиренно Бог не уничижит. Ублажи, Господи, благоволением Твоим Сиона, И да созиждутся стены Иерусалимския. Тогда благоволиши жертву правды, возношение Всесожегаемая; тогда возложат на олтарь Твой тельцы. Слава Отцу и Сыну и Святому Духу, и ныне И присно и во веки веков. Аминь. Аллилуйя, аллилуйя, аллилуйя, Слава Тебе, Боже. Аллилуйя, аллилуйя, аллилуйя, слава Тебе, Боже. Аллилуйя, аллилуйя, аллилуйя, Слава Тебе, Боже. Яко пастух, пешешествовав Израиль по бездне Стопами, гонителя фараона видя Потопляема, Богу победную песнь поем, Вопияше. Помилуй мя, Боже, помилуй мя, ныне приступих аз, Грешная и обремененная грехом детоубийства, К Тебе, Владыце и Богу моему, не смею же Взирати на небо, токмо молюся, Глаголя: даждь ми, Господи, ум, Да плачуся дел моих горько. О, горе мне, грешней, паче всех человек окаянна Есмь, покаяния несть во мне. Даждь ми, Господи, слезы, да плачуся дел моих Горько. Слава Отцу и Сыну и Святому Духу. Безумне, окаянный человече, в нерадении о покаянии Время губиши, помысли житие твое и обратися ко Господу Богу и плачися о делех твоих горько. И ныне присно и во веки веков. Аминь. Мати Божия Пречистая, воззри на мя грешную, И от сети диаволи избави мя, и на путь Покаяния настави мя, да плачуся дел моих горько. Ей, Свят якоже Ты, Господи Боже мой, Вознеси рог верных Твоих, Паше, И утверди мя на ста камень исповедания Твоего. Помилуй мя, Боже, помилуй мя. Внегда поставлени будут престоли на судищи страшнем, Тогда всех человек дела обличатся, Горе тамо будет грешнии в муку отсылаемии. И то ведущи, душе моя, покайся о злых дел Твоих. Помилуй мя, Боже, помилуй мя. Праведницы возрадуются, грешнии восплачутся. Тогда никтоже возможет помощи нам, Но дела наша судят нас. Тем же прежде конца покайся от злых дел твоих. Слава Отцу и Сыну и Святому Духу. Увы мне, великогрешный, яже дело и мыслию Осквернившийся, ни капли слез имея от жестосердия! Ныне возникни от земли, душе моя, И покайся от злых дел твоих. И ныне и присно и во веки веков. Аминь. Се взывает, Госпоже, Сын Твой, И поучает нас на доброе. Аз же, грешная, добра всегда бегаю. Но Ты, Милостивая, помилуй мя, да покаюся от злых Моих дел. Помышляю день страшный и плачуся деяний Моих лукавых: како отвещаю Безсмертному Царю? Или коим дерзновением воззрю на Судию, Блудная аз? Благоутробный Отче, Сыне Единородный и Душе Святый, помилуй мя. Слава Отцу и Сыну и Святому Духу, И ныне, и присно, и во веки веков, аминь. Связана многими ныне пленицами грехов и содержима Лютыми страстьми и бедами, к Тебе прибегаю, Моему спасению, вопию: помози ми, Дево, Мати Божия. Христос моя сила, Бог Господь честная Церковь, боголепно поет, взывающи, Осмысл чистого Господи, празднующи. Помилуй мя, Боже, помилуй мя. Широк путь зде и угодный сласти творити. Но горько будет в последний день, егда душа от Тела разлучатися будет. Блюдися от сих, человече, Царствия ради Божия. Помилуй мя, Боже, помилуй мя. Почто похоти блуд безумне твориши, Сластьми мира сего пленяешися, Любовь родительскую попираешь и свое беззащитное Чадо убиваешь? Покайся убо, душе моя, Царствия ради Божия. Слава Отцу и Сыну и Святому Духу. О безумный человече! Доколе углубляешься, яко пчела, собирающи богатство Твое? Вскоре бо погибнет, яко прах и пепел, Но более взыщи Царствия Божия. И ныне и присно и во веки веков. Аминь. Богородице, помилуй мя, Грешную, и в добродетели укрепи, И соблюди мя, да наглая смерть не похитит мя, Неготовую, и доведи мя, Дево, Царствия Божия. Божиим светом Твоим, Блаже, Утоли все ти души, любовию озари, Молюся, да видите в Слове Божии Истинного Бога, от мрака греховнаго взывающа. Помилуй мя, Боже, помилуй мя. Воспомяни грехи твоя, окаянный человече, Како себялюбие, сребролюбие, жестокосердие и похоть Чадоубийцею соделаша тя. Душе моя грешная, того ли восхотела еси? Помилуй мя, Боже, помилуй мя. Трепещут ми уди: всеми бо сотворих вину, Очима взираяй, ушима слышай, языком злая глаголяй, Всего себе геенне предаяй. Душе моя грешная, сего ли восхотела еси? Слава Отцу и Сыну Святому Духу. Блудника и разбойника кающася приял еси, Спасе, аз же едина леностию греховною тягчихся и Злым делом поработихся. Душе моя грешная, сего ли восхотела еси? И ныне присно и во веки веков. Аминь. Дивная и скорая помощнице всем человеком, Мати Божия, помози мне, недостойной: Душа бо моя грешная того восхоте. Жительствоем морем, увязаемая зря на пасти Бурею, к тихому пристанищу Твоему притек, Вопию Ти: возведи от тли живот мой, Многомилостиве. Помилуй мя, Боже, помилуй мя. Житие на земли блудно пожих и душу во тьму Предах. Ныне убо молю Тя, Милостивый Владыко, Свободи мя от работы человекоубийцы диавола и даждь Ми разум творити волю Твою. Помилуй мя, Боже, помилуй мя. Кому уподобилася еси, душе моя? Каину окаянному, первому убийце, Ироду беззаконному, детоубийце. Но Ты, Господи, исторгни мя от греха сего и Даждь ми сердце творити заповеди Твоя. Слава Отцу и Сыну и Святому Духу. Воспряни, окаянный человече, к Богу, Воспомянув своя согрешения, припадай ко Творцу, Слезя и стеня. Той же, яко милосерд, даст ти ум знати волю Свою. И ныне и присно и во веки веков. Аминь. Богородице Дево, от видимаго и невидимаго зла Сохрани мя, Пречистая, и приими молитву моя, И донеси я Сыну Твоему, да даст ми ум Творити волю Его. Душе моя, почто грехами богатееши, Почто волю диаволю твориши, в чесом надежду Полагаеши? Престани от сих и обратися к Богу с Плачем, зовущи: милосерде Господи, Помилуй мя грешную. Помысли, душе моя, горький час смерти и страшный суд Творца твоего и Бога: Ангели бо грознии поймут тя, Душе, и в вечный огнь введут. Убо прежде смерти покайся, вопиющи: Господи, помилуй мя грешную. Рассуждательна убо пещь соделал Ангел, Преподобный, во ткахом Халдеижю поля. Веление Божие мучителя увещал упити, Благословен еси Боже отец наши. Помилуй мя, Боже, помилуй мя. Не надейся, душе моя, на тленное богатство и на Неправедное собрание. Вся бо сия не веси, кому оставиши, Но возопий: помилуй мя, Христе Боже, В чадоубийстве повинную. Помилуй мя, Боже, помилуй мя. Не уповай, душе моя, на телесное здравие и на Скоро мимоходящую красоту: видиши бо, Яко сильнии и млади умирают, но возопий: Помилуй мя, Христе Боже, чадоубийцу скверную. Слава Отцу и Сыну Святому Духу. Воспомяни, душе моя, вечное житие, Царство Небесное, уготованное святым, И тьму кромешную, и гнев Божий злым, И возопий: помилуй мя, Христе Боже, Тяжко согрешившую. И ныне присно и во веки веков. Аминь. Припади, душе моя, к Божией Матери и помолися Той, есть бо скорая Помощница кающимся: Умолит Сына, Христа Бога, и помилует мя, Покаяние приносящую. Из пламене преподобным росы источил еси и праведнаго Жертву водою попалиси: вся убо твориши, Христе, то, коеже хотети, вся премудрости, Во вся веки. Помилуй мя, Боже, помилуй мя. Како не имам плакатися, егда помышляю содеянном Мною? Вем бо зол моих множество, Детоубийца сущи: что убо чаю, на что надеюся? Токмо даждь ми, Господи, прежде конца покаяние. Помилуй мя, Боже, помилуй мя. О, Господи, жизни Подателю, за многая Твоя блага Воздах Тебе злом, окаянная! Отвергох пренебесный дар жизни и дарованное Тобою Чадо погубих: но во смирении молю, Даждь ми, Господи, прежде конца покаяние. Слава Отцу и Сыну и Святому Духу. Верую, яко приидеши судити живых и мертвых, И вси во своем чину станут, стари и млади, Владыки князи, девы и священницы, Где обрящуся аз? Сего ради вопию: даждь ми, Господи, Прежде конца покаяние. И ныне присно и во веки веков. Аминь. Пречистая Богородице, приими недостойную Молитву мою и сохрани мя от наглыя смерти и Даруй ми прежде конца покаяние. Бога человеком невозможно видети, На негоже не смеет чия агнец и взирати, Тобою же, Всечистая, явися человеку Слово Воплощено, Егоже величающе, с небесными Вои тя ублажаем. Помилуй мя, Боже, помилуй мя. Ныне к вам прибегаю, Ангели, Архангели и вся Небесныя силы, Престола Божия стоящии, Молитеся ко Творцу своему, да избавит душу мою от Муки вечныя. Помилуй мя, Боже, помилуй мя. Ныне плачуся к вам, святии патриарси, Царие, пророце, апостоли, святителие и вси избраннии Христовы: помозите ми на суде, Да спасет душу мою от силы вражия. Слава Отцу и Сыну и Святому Духу. Ныне к вам воздежу руки, святии мученицы, Пустынницы, девственницы, праведницы и вси святии, Молящиися ко Господу за весь мир, Да помилует мя в час смерти моея. И ныне присно и во веки веков. Аминь. Мати Божия, помози ми, на тя сильне Надеющийся! Умоли Сына Твоего, Да очистит мя от тяжкого греха детоубийства и Покаяния моего ради дарует прощение, Егда сядет судяй живых и мертвых. Аминь. Достойно есть яко воистину блажити Тя, Богородицу, присно блаженную и пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, Сущую Богородицу Тя величаем. Святый Боже, Святый Крепкий, Святый Безсмертный, Помилуй нас. Святый Боже, Святый Крепкий, Святый Безсмертный, помилуй нас. Святый Боже, Святый Крепкий, Святый Безсмертный, Помилуй нас. Слава Отцу и Сыну и Святому Духу, И ныне и присно и во веки веков. Аминь. Пресвятая Троице, помилуй нас; Господи, очисти грехи наша; Владыко, прости Беззакония наша; Святый, посети и исцели немощи Наша, имене Твоего ради. Господи, помилуй. Господи, помилуй, Господи, Помилуй. Слава Отцу и Сыну и Святому Духу, И ныне присно и во веки веков. Аминь. Отче наш, Иже еси на небесех! Да святится имя Твое, да приидет Царствие Твое, Да будет воля Твоя, яко на небеси на земли. Хлеб наш насущный даждь нам днесь; И остави нам долги наша, якоже и мы оставляем Должником нашим; и не введи нас во искушение, Но избави нас от лукаваго. Объятия Отча отверзшими потщися, Блудно мое иждих житие, на богатство неиждиваемое Взирающе дрот Твоих, Спасе. Ныне обнищавшее мое да не презриши сердце. Тебе бо, Господи, умилением зову: согреших на небо и Пред Тобою. Слава Отцу и Сыну Святому Духу, И ныне и присно и во веки веков. Аминь. Упование христиан, Пресвятая Дево, Егоже родила еси Бога паче ума же слова, Непрестанно моли с горними силами дати оставление Грехов нам всем и исправление жития, Верою и любовью присно Тя чтущим. Господи Иисусе Христе, Сыне Божий, Источниче жизни и бессмертия, пришедший в мир Грешные спасти, призри на нас, Недостойных рабов Твоих, вы и в сердце, И телесе пред величеством славы Твоя преклоняющих. Согрешихом во беззакониях, неправдахом пред Тобою, Но на щедроты Твоя и милость Твою уповающе, Со слезами молим, благоутробне и всемилостиве Господи, прости и помилуй нас, Любовь Твою отвергших, закон евангельский поправших, Страстьми ум свой ослепивших, чад своих в безумии Убивших, иных к сему смертному греху подвигших или Преступному их намерению не возбранивших. Вемы, Господи, яко достойны есмы огня геенского и Вечныя муки, но имамы и человеколюбия Твоего образы: Разбойника, мытаря, блудницу, блудного сына, Иже покаянием отверзение дверей Царствия Небесного и Помилование улучивших. Темже ко множеству щедрот Твоих взываем: Приими искреннее раскаяние наше и сердце, Оскверненное безмерными грехами, Человеколюбне очисти. Призри, Всесильный Господи, на люди Твоя, Вразуми братий сестер наших, творящих беззакония, Возсия истиною Твоею в сердцах заблудших и во тьме Пребывающих. Загради уста нечестивая и лукавая, Детоубийство проповедующая. Просвети разум матерей, чад своих во чреве своем Умерщвляющих. Удержи руку врача-детоубийцы всесильною десницею Твоею, пресеки творимое кровавое беззаконие. О, Многомилостиве и Долготерпеливе Господи! Молитвами Пречистой Твоя Матери, Владычицы нашей Богородицы Приснодевы Марии и всех Святых, наипаче ходатайством святых мучеников Младенцев, в Вифлееме от Ирода убиенных, Даруй нам время на покаяние, яко да по заповедям Твоим поживши, настоящих зол и будущих вечных мук Свободимся и со благою надеждою и истинным уверением К тамошнему миру пойдем, прославляюще Безначального Твоего Отца, с Нимже благословен еси, Со Пресвятым и Благим и Животворящим Твоим Духом, Ныне и присно и во веки веков. Аминь.