Плач Пресвятой Богородицы. Старообрядческий духовный стих, XIX век

Стояше днесь при Кресте Пречистая Дева, Умиленный плач Подвизаше, Сладчайший глас Испущаше: О свете пресветлый, Заре присносущная! Где твоя зайде Красота, Светолучная, Невечерняя? Добровинный Сыне Мой, Сладчайшая доброта! Где Твой вожделенный лица Зрак, краснейший В свете Мой? О Божия Мудросте, Церковная сладосте! Что се вижу зде Преславное Видение Ужасное? О свете великий, Сладчайший Иисусе! Где Твоя доброта Сокрыся, Возлюбленный Сыне Мой? Увы Мне, свете Мой, Дражайшая доброта! Как Убо Тя узрю, Христе Царю, На Кресте Тя Распинаема? О Солнце пресветлое, Сокрый ныне лучи Своя, Виде своего Создателя, Не праведнуся ныне Страждуща. Иосифе преблаженне, Сними тело Иисусово, Положи е в гробе нове, Изсечение Из комене. Где Твой зрак пресладкий, Сладчайшая доброта? Како погребуся, Сыне Мой, безсмертнаго И предвечнаго? Не рыдай Мене, Моя Мати, Возстану бо из гроба, Тебе вознесу со славою Превыше всех Горних и земных. Воскресни, Боже, Сыне Мой, Тридневно от гроба, Взыди ко Отцу на Небеса, Судяй концем всей Земли. Тогда Тебе всяка тварь Небесных и земных Поклонится и Прославит Царя Веков и Зиждителя.